No.39——難以啟齒的尷尬——（粵語篇）
第一層留畀廣告
難以啟齒的尷尬
本帖最后由 ziyouniao321 于 2010-2-21 19:29 编辑難以啟齒的尷尬
箍牙足足有一整年喇！回想起啱啱帶嗰陣時真係好接受唔到㗎！本囄就係哨牙，重加上牙箍真係一個超級哨牙鬼！啱帶上嗰几個月連口都合唔埋，晚黑瞓覺時不時都會流口水。
囄到牙套之家識到好多網友，雖然冇正式見過面。不過就睇過好多人嘅正畸日記！重記得同我同一時期箍牙嘅有……浩仔……小鴨……YZJ1988……純寶貝大連……。我們應該差唔多時間除。
我廿五歲先開始箍牙㗎！覺得重好後生啫，我係牙套之家見到有卅九歲先開始箍，外國就47歲都見有人箍。我箍係唔想畀自己一個後悔。小學嘅時候就想箍嘅嘞，因為屋企人嘅反對，同埋自己都冇咁多錢去箍，諗起當時自己揸住几百蚊到醫院話要箍牙，當時嗰個女醫生同我講至少要三千，嚇咗我一跳。到今日幾乎完全習慣咗牙套，睇住啲牙一個月一個月咁喐，真係後悔自己點解唔早啲去箍呢！
到目前為止，令我最唔可以接受嘅係掹牙囉，掹咗我4個好牙，記得我第一次去睇dentist周嘅時候，佢話我啲牙几好，一個蛀牙都冇。一直以為掹牙好簡單，打咗麻醉就好快過㗎嘞，第一次掹牙的確如此，不過事后就流血不止，翻到屋企成三個鐘頭先扯到血。到第二次剝牙，我諗住有備無患，買咗一大袋棉花，結果血半個鐘就止咗，一嚿棉花都冇用到。但嗰次剝牙就剝咗成個几鐘，因為有個牙生到一半就唔夠位置生，要車開啲牙齦，用鉗，用刀，最後重要縫綫。嗰一刻真係有後悔去箍牙。諗起我吖媽話：男人使乜箍牙吖，你棚牙都几好。假如時間可以翻到2008年11月20號，我真係會唔箍。因為剝完呢兩隻牙之後我要食足一個星期嘅止疼藥先攪得掂。
之後以為啲牙會慢慢噉冇咁哨嘞，誰不知係排齊之前會越囄越哨，醫生話，先將我嘅虎牙同埋4號牙內收，再將前面4個切牙一併內收喎！（我掹嘅係4個5號牙）啱開始嗰陣重慶幸我剝嘅係5號牙，人哋睇唔出我剝咗牙，點知剝4號牙比剝5號牙用嘅矯牙時間要長！（因為要將4號牙收入去）所以我而家都重係哨牙，不過就冇以前咁嚴重。覺得真正嘅箍牙應該從橡皮圈開始，嗰陣時先覺得牙真嘅係度喐緊，而且你幾乎個個星期都睇得到有變化。哈哈，真係大快人心。
不過好景不長，09年初受金融海嘯影響我又一次加入失業大軍。真係屋漏兼逢連夜雨，我重有兩千几蚊正畸費未找。算啦，我唯有做一日和尚撞一日鐘。反正同醫生講好咗箍完之前交嗮啲錢就OK。之後就搵咗份幫人補習嘅兼職，做得都几開心㗎！畀啲細路叫我做鋼牙老師，冇辦法啦，搵食艱難！雖然人工係少，咪當係暫時止住血先囉！期間曾兩次露牙嚇嚫啲細路，真係唔好意思。
而家諗翻轉頭，自己最唔可以接受嘅就係，成日要刷牙好多次，我係一日最少4次，唔知你哋几次呢！有時出街會遇到奇怪嘅目光，不過見得多就會見怪不怪。對工作係會有一定嘅影響，特別有啲場合食完飯后唔知響邊度刷牙好。屋企人时不时会为咗箍牙嘅事而囉囉嗦嗦同埋後面嘅大牙牙縫越囄越大，次次食完嘢后都要撩牙，唔撩嘅話實在難受吖！！
由習慣到麻木，而家戴牙套就好似戴眼鏡噉就差眼鏡要除落囄而牙套唔使，再不出半年我應該可以除牙套，waitting
下面shair一下我用緊嘅嘢，有啲真係几好用㗎！
tata$175这是啥……？
…留…广告 看得不是很明白。不太懂广东话。 看 不 懂。。。 呵呵，D相掉转晒，箍牙都敢食朱古力，劲！仲有一包包细细包噶系咩吖，唔系橡皮筋吧？
翻译成普通话吧，很多人都看不懂的，楼主，哈，分享嘛~ {:10_905:}楼主是只写给广东的牙套儿看的。。。
牙刷牙膏好大一堆，还有有装备都不认识~ 额汗。。。 屈臣氏個種牙線..我箍左牙之後用唔到....仲有好多......
點解你MOK牙好似..流血不止咁GE~~~~~~~ {:8_818:}
哈哈，白话，我识听，讲就吾是几好，楼主甘写，真系好多人不识睇哦。
哇哈哈，我也是粤语版的tata$141